ADVERTISEMENT

Madriđani su u spektakularnoj utakmici kao gosti savladali Manchester City na Etihadu rezultatom 2:3 (1:0).

Mada smo navikli da gledamo izvanredne mečeva dva kluba godinama unazad, utisak je da izabranici Carla Ancelottija i Pepa Guardiole odavno nisu priredili ovakvu borbu.

Uvodni minuti igre protekli su u terenskoj dominaciji domaćina, ali bez konkretnije prilike pred golom "galaktikosa". Prvo uzbuđenje viđeno je, ipak, na suprotnoj strani kada je Vinicius nepropisno zaustavljen od strane Edersona u kaznenom prostoru Cityja, ali je Brazilac prije nego što je srušen bio u ofsajdu.

Već u 11. minutu kraljevski klub je mogao do vođstva, ali je udarac Mbappea pročitao Ederson, dok je već u narednom napadu Nathan Ake u posljednji čas izblokirao udarac Mendyja u trenucima kada je lopta išla na putu ka mreži.

Ličilo je da je pitanje trenutka kada će gosti iz Madrida dati gol, ali su se prvi radovali domaći igrači kada je Haaland u 18. minutu savladao Curtoisa za svoj prvi pogodak protiv kraljevskog kluba.

Norveški golgeter je savršeno kombinovao sa Grealishom po lijevoj strani, ali je pogotku prethodilo dodavanje Joška Gvardiola u momentima kada se Haaland nalazio u ofsajdu.

Zbog toga je uslijedila višeminutna pauza dok se u VAR sobi razmatralo da li je gol bio regularan ili ne, ali glavni sudija Clermont Turpan je pokazao na centar.

U 25. minutu kraljevski klub je bio blizu izjednačenja, ali je Vinicius pogodio prečku, a već u narednom napadu oprobao se Rodrigo, međutim njegov udarac je bio izblokiran.

City je desetak minuta kasnije imao lijepu priliku preko Fodena, ali je njegov udarac odbranio Curtois, baš kao što je bio uspješan i u sljedećem napadu kada se oprobao De Bruyne.

Nedugo potom oprobrao se i Akanji udarcem glavom poslije kornera, ali je lopta nakon pokušaja švajcarskog defanzivca okrznula prečku.

Uslijedili su pokušaji Valverdea i Mbappea na drugoj strani, ali do promjene rezultata prije odlaska na odmor nije došlo, premda su gosti iz Madrida sasvim sigurno zaslužili izjednačenje.

Drugo poluvrijeme počelo je prečkom Haalanda u uvodnim minutima nastavka kada je Norvežanin propustio lijepu priliku da duplira prednost "građana".

Real je nekoliko minuta kasnije uzvratio pokušajem Bellinghama čiji udarac glavom je nakon centaršuta Viniciusa završio pored gola, a nedugo zatim oprobao se i Mbappe, međutim Ederson je bio odlično postavljen.

Gosti su ipak stigli do izjednačenja golom Mbappea na isteku jednog sata igre pošto je na pomalo čudan način zahvatio loptu na asistenciju Dania Ceballosa, prethodno se lijepo provući između Gvardiola i Akea.

Nedugo zatim Valverde je imao lijepu priliku da obezbijedi preokret Realu, ali je udarac iskosa urugvajskog fudbalera završio pored gola.

Period daleko bolje igre Reala mogao je preokretom da kruniše Bellingham u 66. minutu, međutim Ederson je sjajno odbranio udarac engleskog fudbalera, a već u narednom napadu Mbappe je pogodio stativu.

Domaćin je tek u 71. minutu imao prvu priliku još od Haalandove prečke početkom drugog dijela igre, ali se ništa specijalno nije izrodilo iz akcije Bernarda Silve i Luisa.

Završna trećina utakmice protekla je u nešto mirnijem tempu, ali je potpuno neočekivao Ceballos nepropisno zaustavio Fodena, a sudija bez razmišljanja pokazao na penal.

Loptu je u 80. minutu uzeo Haaland i rutinski savladao Curtoisa, postigavši svoj drugi gol na meču. Čini se da nije moglo u važnijem trenutku po Guardiolin tim.

Djelovalo je da je Real uhvaćen u zamku, ali je tim iz Madrida stigao do zasluženog izjednačenja u 86. minutu golom Diaza koji se vješto snašao i iz odbitka uhvatio na krivoj nozi Edersona.

Real ne bi bio Real, da ne igra do posljednjeg sudijskog zvižduka. Tako u 92. minutu Vinicius izlazi pred Edersona, prebacuje loptu za Bellinghama, koji istu sprema u mrežu za velikih 2:3.

Svakako da se može reći da je Real jednom nogom u osmini finala Lige šampiona.

Uzvratni meč, igra se za sedam dana.

Ostali rezultati:

Juventus - PSV 2:1

Sporting - Borussia Dortmund 0:3