ADVERTISEMENT

Nikola Jokić je na parketu proveo 38 minuta, a ostvario je učinak od 20 poena, 12 skokova i 11 asistencija.

Denver je sa novim trenerom na klupi igrao mnogo bolje, pa se može reći da je u slučaju ovog tima šok terapija uspjela.

Od samog starta, Denver nije ispuštao prednost sve do početka druge dionice kada je bilo 34:33 za Kingse. Ipak, na poluvremenu gosti su vodili sa 66:58, a Jokić je na pauzi imao skroman učinak od osam poena.

Treća dionica može se reći da je bila presudna! Denver je brzo otišao na plus 15, a zatim je u nekoliko navrata bilo i za poen veća prednost, ipak uslijedilo je opuštanje koje je moglo skupo da košta Jokića i drugove.

Vodio je Denver 105:95 i sve je vodilo ka tome da je posao završen. Ipak, nisu tako mislili igrači Sakrementa. Na četiri minuta do kraja domaći su stigli do 104:108. Trojka Lavina je natjerala novog trenera Denvera da zatraži tajm-aut. Uslijedila je brza reakcija igrača Denvera i sve se vratilo na staro. Tačku na meč je na 80 sekundi do kraja stavio Jalen Pickett trojkom za plus 12 i konačnu pobjedu.

Najefikasniji u Denveru bio je Christian Braun sa 25 poena. Pratili su ga Eron Gordon i Michael Porter Jr sa po 21, dok je Jalen Pickett dodao 18 poena.

Kod Sakramenta su se istakli Zach LaVine sa 27 poena i 11 asistencija, DeMar DeRozan sa 22, Keon Ellis sa 20, Trey Lyles sa 17 poena, dok je Domantas Sabonis imao učinak od 13 poena i 12 skokova.

NBA

Vašington – Filadelfija 103:122

Orlando – Boston 96:76

Toronto – Šarlot 126:96

Dalas – LA Lejkers 97:112

Čikago – Majami 119:111

Juta – Portland 133:126

Finiks – Oklahoma 112:125

Sakramento – Denver 116:124

Golden Stejt – San Antonio 111:114

LA Klipers – Hjuston 134:117